الیکشن کمیشن نے خیبرپختونخوا میں مخصوص نشستوں پر منتخب ارکان سے حلف نہ لینے پر گورنر اور وزیراعلیٰ کے پرنسپل سیکرٹریز کو ایک بار پھر خط لکھ دیا ہے۔
کمیشن نے زور دیا ہے کہ فوری طور پر صوبائی اسمبلی کا اجلاس بلا کر نوٹیفائیڈ ارکان سے حلف لیا جائے تاکہ وہ 21 جولائی کو ہونے والے سینیٹ انتخابات میں حصہ لے سکیں۔
خط میں آئین کے آرٹیکل 105 اور 109 کا حوالہ دیتے ہوئے کہا گیا کہ گورنر کے پاس اسمبلی اجلاس بلانے کا اختیار موجود ہے، جبکہ اسپیکر مخصوص نشستوں پر ارکان سے حلف لینے میں ناکام رہے ہیں، جس سے انتخابی عمل متاثر ہونے کا خدشہ ہے۔