ایران کے دارالحکومت تہران میں پانی کی قلت خطرناک حد تک بڑھ گئی ہے۔ صدر مسعود پیزشکیان نے ٹی وی خطاب میں خبردار کیا کہ اگر بارشیں نہ ہوئیں تو شہر خالی کرنا پڑ سکتا ہے۔
انہوں نے بتایا کہ نومبر کے آخر یا دسمبر کے آغاز میں پانی کی راشننگ شروع کی جائے گی، اور اگر اس دوران بھی بارش نہ ہوئی تو تہران میں رہائش ممکن نہیں رہے گی۔
حکام کے مطابق شہر کے ذخائر میں صرف دو ہفتوں کا پانی باقی ہے، جب کہ رواں سال ملک بھر میں بارشوں میں 40 فیصد کمی دیکھی گئی ہے، جس کے باعث کئی صوبے شدید خشک سالی کا سامنا کر رہے ہیں۔