سعودی وزارت ماحولیات، پانی و زراعت کے مطابق مکہ مکرمہ کے رابغ ڈیم سے مرحلہ وار پانی کا اخراج شروع کر دیا گیا ہے۔ آئندہ 23 دنوں میں ڈیم سے 20 ملین مکعب میٹر پانی خارج کیا جائے گا، جس کا مقصد مقامی کاشتکاروں کو سہولت فراہم کرنا اور وادی کے قریب کنوؤں میں پانی کی سطح بلند کرنا ہے۔
عہدیداروں کا کہنا ہے کہ پانی کے بہاؤ کی نگرانی کے لیے متعدد سرکاری ادارے مل کر کام کر رہے ہیں تاکہ عمل مکمل طور پر محفوظ رہے۔ شہریوں اور غیر ملکیوں کو وادی کے قریب نہ جانے اور حفاظتی اداروں کی ہدایات پر عمل کرنے کی تاکید کی گئی ہے۔
رابغ ڈیم 1430 ہجری میں تعمیر ہوا تھا اور مملکت کے بڑے کنکریٹ ڈیموں میں شمار ہوتا ہے، جس کی ذخیرہ کرنے کی صلاحیت 220 ملین مکعب میٹر سے زیادہ ہے۔