انسداد دہشت گردی عدالت لاہور نے 5 اکتوبر جلاؤ گھیراؤ اور پولیس پر مبینہ تشدد کیس میں بانی پی ٹی آئی کی بہنوں علیمہ خان اور عظمیٰ خان کی عبوری ضمانت میں توسیع کر دی۔
سماعت کے دوران دونوں کی جانب سے ایک روزہ حاضری معافی کی درخواست دائر کی گئی، جس میں مؤقف اختیار کیا گیا کہ وہ اسلام آباد میں بانی پی ٹی آئی سے ملاقات اور دیگر مقدمات کی سماعت کے سلسلے میں موجود ہیں۔
عدالت نے مقدمے کا ریکارڈ پیش نہ ہونے پر کارروائی 17 اکتوبر تک ملتوی کر دی اور دونوں کی ضمانت میں بھی اسی تاریخ تک توسیع کر دی۔