قطر کے وزیراعظم شیخ محمد بن عبدالرحمان آج واشنگٹن جائیں گے جہاں وہ امریکی صدر ٹرمپ اور اعلیٰ حکام سے ملاقات کریں گے۔ بات چیت میں اسرائیلی حملوں اور غزہ میں جنگ بندی پر تبادلہ خیال ہونے کا امکان ہے۔
ادھر دوحہ میں اسرائیلی حملے میں شہید ہونے والے چھ افراد کی نمازِ جنازہ ادا کی گئی، جس میں امیرِ قطر شیخ تمیم بن حمد الثانی سمیت حکومتی شخصیات اور عوام نے شرکت کی۔ شہداء میں حماس رہنما خلیل الحیا کے بیٹے، ایک قطری سیکیورٹی اہلکار اور دیگر گارڈز شامل تھے۔
حماس نے واضح کیا ہے کہ قیادت پر حملے کے باوجود اس کے جنگ بندی کے مؤقف میں کوئی تبدیلی نہیں آئے گی۔