معروف اداکارہ علیزے شاہ نے سوشل میڈیا پر اپنی دو نئی پوسٹس کے ذریعے مداحوں کی توجہ حاصل کی، جس کے بعد انہیں شادی کی پیشکشوں تک کا سامنا کرنا پڑا۔
اداکارہ نے ایک خوبصورت آؤٹ ڈور مقام پر اپنی تازہ انسٹاگرام ریل میں مسکراتے ہوئے جلوہ گر ہوئیں اور دیدہ زیب کروشیے سویٹر میں مداحوں کی توجہ حاصل کی۔ ریل میں ان کی دلکش مسکراہٹ نمایاں رہی، جس کے ساتھ سن فلاور ایموجی پر مشتمل سادہ کیپشن شیئر کیا گیا۔
مداحوں نے محبت بھرے تبصرے کیے، جن میں کچھ نے تو براہِ راست شادی کی پیشکشیں بھی کر ڈالی۔ ایک صارف نے لکھا: “کیا آپ میری بنیں گی؟” جبکہ ایک اور نے کہا: “آپ میری کیوٹی ہیں”۔
علیزے شاہ نے اسی دوران اپنی انسٹاگرام گرِڈ پر ایک اسٹائلش پورٹریٹ تصویر بھی شیئر کی، جس میں وہ باوقار انداز میں پوز دیتی نظر آئیں، پس منظر میں پودوں اور پھولوں سے سجی شیلف تصویر کو مزید دلکش بنا رہی تھی۔
واضح رہے کہ علیزے شاہ نے 2016 میں ڈرامہ سیریل ’’چھوٹی سی زندگی‘‘ میں معاون کردار سے شوبز میں قدم رکھا۔ انہیں ’’عشق تماشا‘‘ میں پلواشا کے کردار سے نمایاں شہرت حاصل ہوئی اور بہترین ٹیلی وژن سنسیشن کا ایوارڈ بھی ملا۔ بعد میں انہوں نے ’’عہد وفا‘‘ میں دعا کے کردار سے مزید مقبولیت حاصل کی اور وہ متعدد ڈراموں میں مرکزی کردار ادا کرچکی ہیں۔