ویسٹ انڈیز کے سابق اسٹار بلے باز کرس گیل نے انڈین پریمیئر لیگ (آئی پی ایل) کے تجربات پر کھل کر بات کی اور بتایا کہ پنجاب کنگز کی جانب سے عزت نہ ملنے پر انہوں نے لیگ سے ریٹائرمنٹ کا فیصلہ کیا۔
کرس گیل کے مطابق انہیں ایسا محسوس ہوا جیسے وہ ایک بڑے بوجھ تلے دب گئے ہوں، یہاں تک کہ وہ پہلی بار ڈپریشن کا شکار بھی ہوئے۔ ان کا کہنا تھا کہ فرنچائز کے لیے سب کچھ دینے کے باوجود انہیں نظرانداز کیا گیا اور سینئر کھلاڑی کی حیثیت سے وقار نہیں دیا گیا۔
انہوں نے مزید کہا کہ انیل کمبلے سے گفتگو کے دوران وہ جذبات پر قابو نہ رکھ سکے اور رو پڑے، جبکہ کپتان کے ایل راہول کی کال کے بعد بھی انہوں نے ٹیم چھوڑنے کا فیصلہ کرلیا۔
یاد رہے کہ کرس گیل نے آئی پی ایل میں پنجاب کنگز کی نمائندگی چار سیزنز تک کی تھی۔