پاکستان اور سعودی عرب کے درمیان اقتصادی و تجارتی تعاون بڑھانے کے لیے دو روزہ مذاکرات آج اسلام آباد میں شروع ہوں گے۔ سعودی عرب کا 15 رکنی وفد شہزادہ منصور بن محمد آل سعود کی قیادت میں پاکستان پہنچ چکا ہے۔
دفترِ خارجہ کے مطابق وفد مختلف وزارتوں اور اسپیشل انویسٹمنٹ فسیلیٹیشن کونسل (SIFC) کے نمائندوں سے ملاقاتیں کرے گا، جن میں توانائی، آئی ٹی، زراعت، مالیاتی خدمات، تعمیرات، سیمی کنڈکٹرز اور فوڈ انڈسٹری سمیت مختلف شعبوں میں سرمایہ کاری کے مواقع پر بات چیت ہوگی۔
یہ دورہ دونوں ممالک کے گہرے تعلقات اور اقتصادی شراکت کو مزید مضبوط بنانے کی کوششوں کا حصہ ہے۔