سعودی عرب کے جزائر فرسان کو بین الاقوامی ’رامسر کنوینشن‘ میں شامل کر کے ملک کا پہلا میرین ریزرو تسلیم کر لیا گیا ہے۔ یہ اقدام سعودی وژن 2030 اور گرین انیشیٹیو کے تحت ماحولیاتی تحفظ اور حیاتیاتی تنوع میں اضافہ کے مقصد کا حصہ ہے۔
نیشنل سینٹر فار وائلڈ لائف کے مطابق جزائر فرسان ریڈ سی کی اہم ماحولیاتی سائٹس میں شامل ہے، جہاں مرجان کی چٹانیں، مینگروو کے درخت اور منفرد حیاتیاتی نظام موجود ہے۔ مرکز نے 607 سے زائد سائٹس کی نشاندہی کی ہے جن میں 244 محفوظ علاقوں میں شامل ہیں، اور ماحولیاتی نظام کی بحالی کے منصوبے بھی جاری ہیں۔