امیرِ جماعتِ اسلامی پاکستان حافظ نعیم الرحمٰن نے پیٹرولیم مصنوعات کی قیمتوں میں اضافے کو سختی سے مسترد کرتے ہوئے آج ملک بھر میں احتجاج کرنے کا اعلان کیا ہے۔
اپنے ویڈیو بیان میں انہوں نے کہا کہ قیمتوں میں حالیہ اضافہ عوام پر شدید بوجھ ڈال رہا ہے اور یہ فیصلہ کسی صورت قابلِ قبول نہیں۔ ان کے مطابق اس اقدام سے خاص طور پر بائیک سوار، ڈیلیوری ورکرز، طلبہ اور مزدور طبقہ بری طرح متاثر ہوگا۔
حافظ نعیم الرحمٰن نے مزید کہا کہ مہنگائی کے اس دباؤ نے متوسط اور غریب طبقے کی مشکلات میں اضافہ کر دیا ہے، اسی لیے احتجاجی تحریک کا آغاز کیا جا رہا ہے۔