پاکستان سمیت کئی مسلم ممالک نے اسرائیل کی جانب سے مسجدِ اقصیٰ اور ہولی چرچ تک رسائی محدود کرنے کے اقدامات کو مسترد کرتے ہوئے اسے ناقابلِ قبول قرار دیا ہے۔
مشترکہ اعلامیے میں کہا گیا کہ یہ اقدامات بین الاقوامی قوانین اور انسانی حقوق کی خلاف ورزی ہیں، جبکہ مقبوضہ بیت المقدس میں مذہبی مقامات کی حیثیت تبدیل کرنے کی کسی بھی کوشش کو تسلیم نہیں کیا جائے گا۔
اعلامیے کے مطابق رمضان کے دوران مسجدِ اقصیٰ کے دروازے بند رکھنا بنیادی انسانی حقوق کے منافی ہے، اور اردن کے محکمہ اوقاف کو ان مقامات کے انتظام کا مجاز ادارہ قرار دینے کے مؤقف کا اعادہ کیا گیا۔ ساتھ ہی عالمی برادری سے مطالبہ کیا گیا کہ وہ اس صورتحال کو روکنے کے لیے مؤثر کردار ادا کرے۔