وفاقی وزیر چوہدری سالک حسین نے جنوبی لبنان میں اسرائیلی حملے میں صحافیوں کی ہلاکت پر گہرے دکھ اور افسوس کا اظہار کیا۔ صحافیوں کو نشانہ بنانا بین الاقوامی قوانین اور انسانی اقدار کی کھلی خلاف ورزی ہے، جو اظہارِ رائے کی آزادی پر حملہ اور خطے میں کشیدگی میں اضافہ ہے۔ پاکستان نے ہر قسم کے تشدد اور بے گناہ شہریوں کے قتل کی مذمت کرتے ہوئے عالمی برادری سے امن کے قیام میں مؤثر کردار ادا کرنے کا مطالبہ کیا ہے۔ وزیر نے لبنان، فلسطین اور ایران میں بے گناہ شہریوں، خواتین اور بچوں کی ہلاکتوں پر بھی گہری تشویش کا اظہار کیا۔
