وفاقی وزیر داخلہ سید محسن رضا نقوی اور وفاقی وزیر چوہدری سالک حسین کی زیر صدارت اہم اجلاس میں سپین میں مقیم پاکستانیوں کو قانونی حیثیت دلوانے کیلئے بڑے فیصلے کیے گئے۔ اجلاس میں فیصلہ کیا گیا کہ غیر قانونی پاکستانیوں کو رجسٹریشن سے پہلے پاسپورٹ اور ضروری دستاویزات جلد جاری کیے جائیں گے جبکہ پاکستانی سفارتخانے کی جانب سے ہزاروں افراد کو اتھارٹی لیٹر بھی جاری کیے جا چکے ہیں۔ حکام کے مطابق اس اسکیم سے 15 سے 18 ہزار پاکستانیوں کو فائدہ ہوگا، جبکہ اوورسیز پاکستانیوں کو مکمل سہولت فراہم کرنے کا بھی اعلان کیا گیا۔ مزید تفصیلات جلد جاری کی جائیں گی۔
