بنگلادیش میں افسوسناک حادثہ، بس دریا میں گرنے سے 18 افراد ہلاک

بنگلادیش میں دریائے پدما میں ایک مسافر بس گرنے کے نتیجے میں کم از کم 18 افراد جان کی بازی ہار گئے، جن میں مرد، خواتین اور بچے شامل ہیں۔

پولیس کے مطابق بس راجباڑی سے ڈھاکا جا رہی تھی اور اس میں تقریباً 50 افراد سوار تھے۔ حادثہ اس وقت پیش آیا جب بس فیری پر چڑھتے ہوئے توازن برقرار نہ رکھ سکی اور دریا میں جا گری۔

ریسکیو ذرائع کے مطابق کچھ مسافر اپنی مدد آپ کے تحت تیر کر کنارے تک پہنچنے میں کامیاب ہو گئے۔