بھارت کی ریاست آندھرا پردیش میں مسافر بس اور ڈمپر کے درمیان شدید ٹکر کے بعد بس میں آگ بھڑک اٹھی، جس کے نتیجے میں کم از کم 12 افراد جان سے گئے جبکہ متعدد زخمی ہو گئے۔
رپورٹس کے مطابق بس تلنگانہ کے شہر نرمل سے نیلور جا رہی تھی اور حادثہ صبح کے وقت پیش آیا۔ تصادم کے فوراً بعد آگ لگنے سے کئی مسافر جھلس گئے۔
ریسکیو حکام نے زخمیوں کو قریبی اسپتالوں میں منتقل کر دیا ہے، جبکہ حکام کا کہنا ہے کہ ہلاکتوں میں اضافے کا خدشہ موجود ہے۔