لاہور کی تاریخی بادشاہی مسجد میں رمضان المبارک کی ستائیسویں شب کے موقع پر ایک روحانی اور پُراثر اجتماع منعقد ہوا، جہاں ہزاروں فرزندانِ اسلام نے شبِ قدر کی بابرکت گھڑیوں میں خصوصی عبادات اور دعاؤں میں حصہ لیا۔ اس موقع پر صوبائی وزیر اوقاف و مذہبی امور و صنعت و تجارت چوہدری شافع حسین نے بھی شرکت کی اور ملکی سلامتی، ترقی اور امتِ مسلمہ کے اتحاد کے لیے خصوصی دعا کی گئی۔ فضا رقت آمیز مناظر اور روحانی کیفیت سے بھرپور رہی۔
