پاکستانی کرکٹر سلمان آغا کے متنازعہ رن آؤٹ پر ایم سی سی نے اپنا موقف جاری کر دیا ہے۔ بیان کے مطابق ڈھاکہ میں کھیلے گئے ون ڈے میچ کے دوران سلمان آغا کریز سے باہر تھے جبکہ گیند کھیل میں موجود تھی، اس لیے قوانین کے مطابق انہیں رن آؤٹ قرار دینا درست فیصلہ تھا۔
ایم سی سی کا کہنا ہے کہ بیٹر کو فیلڈنگ ٹیم کی اجازت کے بغیر گیند اٹھانے کی کوشش نہیں کرنی چاہیے اور کھلاڑیوں کے آپس میں ٹکرانے سے گیند خود بخود ڈیڈ نہیں ہو جاتی۔
مزید کہا گیا کہ قوانین کی روشنی میں امپائرز کے پاس سلمان آغا کو آؤٹ قرار دینے کے سوا کوئی اور اختیار نہیں تھا، تاہم اسپرٹ آف کرکٹ کے تحت بنگلہ دیشی ٹیم چاہتی تو اپنی اپیل واپس لے سکتی تھی۔