اسپین اور ارجنٹائن کے درمیان اس ماہ ہونے والا فینالیسیما میچ منسوخ کر دیا گیا ہے۔ یہ میچ 27 مارچ کو قطر میں کھیلنا تھا۔
یورپی فٹبال ایسوسی ایشن کے مطابق مشرقِ وسطیٰ کی موجودہ صورتِ حال کے باعث میچ کو دوبارہ شیڈول کرنا ممکن نہیں رہا، اسی لیے اسے منسوخ کرنے کا فیصلہ کیا گیا۔
میچ کے لیے مختلف متبادل تجاویز پر غور کیا گیا، لیکن دونوں ٹیموں کے درمیان کسی بھی آپشن پر اتفاق نہیں ہو سکا، جس کے بعد اس سال فینالیسیما کا مقابلہ نہ کھیلنے کا فیصلہ کیا گیا۔