چیا سیڈز (تخمِ داؤدی) صحت کے لیے فائدہ مند سمجھے جاتے ہیں کیونکہ ان میں فائبر، پروٹین، اومیگا تھری اور معدنیات وٹامنز کی مقدار زیادہ ہوتی ہے، مگر ماہرینِ معدہ کے مطابق یہ ہر شخص کے لیے موزوں نہیں۔ خاص طور پر وہ افراد جنہیں نگلنے میں مشکل، غذائی نالی کی تنگی، آئی بی ایس، شدید ہاضمے کے مسائل، خون پتلا کرنے والی ادویات یا بیجوں سے الرجی ہے، انہیں احتیاط برتنی چاہیے یا پرہیز کرنا چاہیے۔
استعمال کا درست طریقہ یہ ہے کہ چیا سیڈز کو پانی، دہی یا اسموتھی میں بھگو کر کھائیں اور ابتدا میں ایک کھانے کے چمچ سے شروع کر کے آہستہ آہستہ مقدار دو کھانے کے چمچ تک بڑھائیں۔ ماہرین کا مشورہ ہے کہ کسی بھی صحت کے مسئلے کی صورت میں چیا سیڈز کو غذا میں شامل کرنے سے پہلے ڈاکٹر سے مشورہ ضرور کریں۔