طبی ماہرین کا کہنا ہے کہ کھانے کے بعد صرف 10 سے 15 منٹ کی ہلکی چہل قدمی بھی مجموعی صحت پر مثبت اور دیرپا اثر ڈال سکتی ہے۔
اہم فوائد:
-
ہاضمہ بہتر ہوتا ہے: کھانے کے بعد چلنے سے معدہ اور آنتوں کی حرکت تیز ہوتی ہے، جس سے بدہضمی اور بھاری پن کم ہوتا ہے۔
-
بلڈ شوگر کنٹرول: پٹھے گلوکوز کو توانائی کے طور پر استعمال کرتے ہیں، خاص طور پر کاربوہائیڈریٹس کے بعد شوگر لیول کنٹرول میں رہتا ہے۔
-
وزن قابو میں رکھنے میں معاون: روزانہ کی چہل قدمی اضافی کیلوریز کم کرنے اور غیر ضروری اسنیکس سے بچاؤ میں مددگار ہے۔
-
موڈ بہتر اور ذہنی دباؤ کم: جسم میں خوشی کے ہارمونز خارج ہوتے ہیں، جس سے ذہنی سکون اور توجہ بڑھتی ہے۔
-
دل کی صحت میں بہتری: خون کی روانی بہتر ہوتی ہے، بلڈ پریشر کم اور دل کی بیماریوں کا خطرہ گھٹتا ہے۔
-
نیند کا معیار بہتر: شام کے وقت ہلکی جسمانی سرگرمی سے بہتر اور گہری نیند آتی ہے۔
-
پیٹ پھولنے اور گیس میں کمی: معدے کی تکالیف اور اپھارے کم ہوتے ہیں، خاص طور پر حساس معدے والے افراد کے لیے۔
ماہرین کے مشورے:
-
واک کھانے کے 30 سے 60 منٹ بعد شروع کریں۔
-
رفتار ہلکی یا درمیانی رکھیں، تیز ورزش سے گریز کریں۔
-
دورانیہ 10 سے 15 منٹ کافی ہے۔
-
فوری واک سے تکلیف ہو تو 10 منٹ انتظار کریں اور بعد میں چلیں۔
ماہرین کا کہنا ہے کہ موبائل استعمال کرنے یا فوراً لیٹنے کے بجائے مختصر چہل قدمی اپنانا ایک آسان عادت ہے جو طویل مدت میں صحت کو نمایاں طور پر بہتر بنا سکتی ہے