رمضان المبارک کے آخری عشرے کے آغاز کے ساتھ ہی مکہ مکرمہ اور مدینہ منورہ میں ہزاروں افراد اعتکاف کے لیے بیٹھ گئے ہیں۔ سعودی حکام کے مطابق 20 رمضان سے اعتکاف کا باضابطہ آغاز ہو گیا ہے اور اس کے لیے 15 ہزار سے زائد افراد پہلے ہی رجسٹریشن کرا چکے تھے۔
مسجد الحرام اور مسجد نبوی ﷺ میں معتکفین اور عمرہ زائرین لیلۃ القدر کی تلاش میں خصوصی عبادات میں مصروف ہیں۔ مشرقِ وسطیٰ میں موجودہ کشیدہ صورتحال کے باعث کچھ پروازیں منسوخ ہونے کے بعد دونوں مقدس مساجد میں زائرین کی تعداد غیر معمولی طور پر بڑھ گئی ہے۔