امریکا اور اسرائیل کی جانب سے ایران پر حملوں کا سلسلہ جاری ہے جس کے نتیجے میں اب تک ہلاکتوں کی تعداد 1300 سے تجاوز کر گئی ہے۔ ایرانی میڈیا کے مطابق شہر خمین میں ایک امریکی میزائل حملے میں ڈاکٹر حافظ خمینی اسکول کو نشانہ بنایا گیا جس سے قریبی گھروں کو بھی نقصان پہنچا۔
تہران میں رات کے وقت شدید بمباری کی گئی اور شہر کے مختلف علاقوں میں زور دار دھماکوں کی آوازیں سنی گئیں۔ رسالت اسکوائر کے قریب حملوں میں تقریباً 40 افراد جاں بحق ہوئے۔
امریکی سینٹرل کمانڈ کا کہنا ہے کہ ایرانی میزائل لانچرز کی تلاش جاری رکھی جائے گی اور جہاں بھی ملیں گے انہیں نشانہ بنایا جائے گا۔ دوسری جانب ایران کی پاسدارانِ انقلاب نے جوابی کارروائی کے طور پر مزید میزائل حملے کرنے کا اعلان کیا ہے۔