سابق سفیر ڈاکٹر ملیحہ لودھی کا کہنا ہے کہ ایران، اسرائیل اور امریکا کے درمیان کشیدگی کے باوجود کوئی ملک جنگ روکنے یا ثالثی کے لیے سنجیدہ کوشش نہیں کر رہا کیونکہ بہت سے ممالک کو صدر ٹرمپ پر اعتماد نہیں۔ انہوں نے کہا کہ ٹرمپ بیک وقت مذاکرات بھی کرتے ہیں اور جنگی اقدامات بھی کر دیتے ہیں۔
ایک ٹی وی پروگرام میں گفتگو کرتے ہوئے ایئر مارشل (ر) ارشد ملک نے کہا کہ ایران کی نئی قیادت کو عوام کی حمایت حاصل ہوگی اور وہاں رجیم چینج کے امکانات تقریباً ختم ہو چکے ہیں۔
اس موقع پر وائس ایڈمرل (ر) محمد سلیم نے خبردار کیا کہ اگر ایران اور خلیجی ممالک ایک دوسرے پر حملے کرتے ہیں تو وہ دراصل اس حکمت عملی کا حصہ بن جائیں گے جو اسرائیل چاہتا ہے۔