کراچی میں 21 رمضان المبارک کو یومِ شہادتِ حضرت علیؓ کے مرکزی جلوس کے لیے پولیس نے جامع سیکیورٹی پلان ترتیب دے دیا ہے۔ پولیس حکام کے مطابق جلوس کے راستوں پر 5 ہزار 213 اہلکار تعینات کیے جائیں گے جن میں 142 لیڈی پولیس اہلکار بھی شامل ہیں۔
جلوس کے روٹس پر روٹ سیلنگ، اسنیپ چیکنگ اور سی سی ٹی وی کیمروں کے ذریعے نگرانی کی جائے گی جبکہ بلند عمارتوں پر اسنائپرز بھی تعینات ہوں گے۔ کسی بھی ہنگامی صورتحال سے نمٹنے کے لیے کوئیک رسپانس ٹیمیں الرٹ رہیں گی اور اہم اسپتالوں میں بھی پولیس نفری تعینات کر دی گئی ہے۔