کراچی کے علاقے گڈاپ ٹاؤن کے قریب موٹر سائیکلوں سے بھرے ٹرک میں اچانک آگ بھڑک اٹھی جس کے نتیجے میں تقریباً ڈھائی کروڑ روپے مالیت کی 74 موٹر سائیکلیں جل کر تباہ ہوگئیں۔ پولیس کے مطابق آگ ممکنہ طور پر شارٹ سرکٹ کے باعث لگی۔ واقعے میں کوئی جانی نقصان نہیں ہوا تاہم آگ بجھانے کی کوشش کے دوران ٹرک ڈرائیور معمولی زخمی ہوگیا۔ فائر بریگیڈ کی ایک گاڑی نے موقع پر پہنچ کر آگ پر قابو پایا۔ یہ ٹرک کراچی سے ملتان کی جانب جا رہا تھا۔
