خیبر پختونخوا کے شہر ڈیرہ اسماعیل خان میں دفعہ 144 نافذ کر دی گئی ہے جس کے تحت آج بعض علاقوں میں ٹریفک معطل رہے گی۔ نوٹیفکیشن کے مطابق یہ پابندی صبح 6 بجے سے شام 6 بجے تک برقرار رہے گی۔
اعلامیے کے مطابق ڈیرہ ٹانک روڈ طارق شہید سے بھگووال تک بند رہے گا جبکہ پوٹہ ہتھالہ بازار بھی اسی مدت کے دوران بند رکھنے کی ہدایت کی گئی ہے۔ ضلعی انتظامیہ کے مطابق ایمبولینس، فائر بریگیڈ اور قانون نافذ کرنے والے اداروں کو پابندی سے استثنیٰ حاصل ہوگا، جبکہ ہنگامی صورت میں سیکیورٹی اداروں کی اجازت سے محدود نقل و حرکت کی اجازت دی جا سکے گی۔