کویت کی مسلح افواج نے اعلان کیا ہے کہ پیر کے روز ایک آپریشن کے دوران بحریہ کے دو اہلکار جان کی بازی ہار گئے۔ ہلاک ہونے والوں میں سارجنٹ ولید مجید سلیمان اور سارجنٹ عبدالعزیز عبدالمحسن داخل ناصر شامل ہیں۔ حکام نے واقعے کی مزید تفصیلات فراہم نہیں کیں۔
دوسری جانب، سعودی عرب کی وزارت خارجہ نے کویت کی حکومت اور عوام سے تعزیت اور ہمدردی کا اظہار کیا۔ سعودی بیان میں کویت کے اقدامات میں مکمل تعاون اور زخمیوں کی جلد صحت یابی کی خواہش کا بھی اعادہ کیا گیا۔