سولجر بازار میں گیس لیکیج سے دھماکا، 3 افراد جان سے گئے

کراچی کے علاقے سولجر بازار تین نمبر میں ایک رہائشی عمارت میں گیس لیکیج کے باعث دھماکا ہوا جس کے نتیجے میں عمارت کا ایک حصہ منہدم ہو گیا۔ حادثے میں 3 افراد جاں بحق جبکہ 11 زخمی ہوئے، جن میں بچے بھی شامل ہیں۔

ریسکیو حکام کے مطابق جاں بحق ہونے والوں میں 10 سالہ بچی نازیہ بھی شامل ہے۔ زخمیوں کو فوری طور پر قریبی اسپتال منتقل کر دیا گیا جبکہ امدادی کارروائیاں جاری ہیں۔