رمضان المبارک کے دوران زائرین اور نمازیوں کی مسجد نبوی اور مسجد قبا تک آمد و رفت آسان بنانے کے لیے ’مدینہ بس‘ پروجیکٹ نے شٹل سروس میں توسیع کا اعلان کیا ہے۔
سعودی خبر رساں ایجنسی کے مطابق شہرِ مدینہ کے مختلف علاقوں سے زائرین کے لیے آٹھ مخصوص روٹس مختص کیے گئے ہیں۔ شٹل سروس سہ پہر تین بجے سے لے کر نماز تراویح کے ایک گھنٹے بعد تک فعال رہے گی۔
مسجد نبوی کے لیے مختص ٹریکس میں الخالدیہ، شاہ فہد محلہ، ریلوے سٹیشن، شظاہ محلہ، سید الشہداء، السلام کالج، سپورٹس سٹیڈیم اور الحدیقہ شامل ہیں۔
مسجد قبا کے لیے شٹل سروس کی مرکزیت پارکنگ لاٹ ’العالیہ سٹیشن‘ پر رکھی گئی ہے، جہاں سے زائرین براہِ راست مسجد قبا پہنچ سکیں گے۔