وفاقی وزیر داخلہ سید محسن رضا نقوی اور وفاقی وزیر چوہدری سالک حسین نے کولمبو میں سری لنکا کے صدر انورا کمارا ڈسانائیکے سے ملاقات کی، جس میں دوطرفہ تعلقات، ویزہ سہولیات، انسدادِ دہشت گردی، منشیات کے خلاف اقدامات اور سیکیورٹی تعاون پر تفصیلی گفتگو ہوئی۔ سری لنکن قیادت نے پاکستانی شہریوں کو درپیش ویزہ مسائل کا فوری نوٹس لیتے ہوئے متعلقہ منفی فہرستوں سے پاکستان کو نکالنے کی ہدایت جاری کی۔ ملاقات میں لیبر تعاون اور ہوٹل انڈسٹری کی تعلیم کے شعبے میں پاکستانی نوجوانوں کے لیے مواقع اور اسکالرشپس بڑھانے پر بھی زور دیا گیا۔ دونوں ممالک نے باہمی تعلقات کو مزید مستحکم بنانے کے عزم کا اعادہ کیا۔
