صوبائی وزیر صنعت و تجارت پنجاب چوہدری شافع حسین نے سندر انڈسٹریل ایکسپو 2026 کی افتتاحی تقریب سے خطاب کرتے ہوئے کہا کہ یہ نمائش پنجاب کی صنعتی ترقی کا ایک اہم سنگِ میل ثابت ہوگی۔ انہوں نے کہا کہ حکومت صنعتکاروں کو جدید سہولیات اور سرمایہ کاری کے بہتر مواقع فراہم کرنے کے لیے پُرعزم ہے۔ تقریب میں مختلف شعبہ جات سے تعلق رکھنے والے کاروباری افراد اور سرمایہ کاروں کی بڑی تعداد نے شرکت کی۔ اس موقع پر صنعتی ترقی، روزگار کے مواقع اور برآمدات میں اضافے کے حوالے سے اہم نکات پر روشنی ڈالی گئی۔
