لاہور: گردوں کے امراض کے شعبے سے تعلق رکھنے والے ممتاز معالج پروفیسر ڈاکٹر علی ثقلین حیدر کو پاکستان سوسائٹی آف نیفرالوجی کے سالانہ انتخابات میں 2026 تا 2028 کے لیے نائب صدر منتخب کر لیا گیا۔ طبی ماہرین اور ڈاکٹر کمیونٹی نے ان کے انتخاب کو خوش آئند قرار دیتے ہوئے امید ظاہر کی ہے کہ وہ ادارے کی کارکردگی میں مزید بہتری اور نوجوان ڈاکٹروں کی پیشہ ورانہ تربیت کے فروغ کے لیے مؤثر اقدامات کریں گے۔ اپنے انتخاب کے بعد ڈاکٹر علی ثقلین حیدر نے اس عزم کا اظہار کیا کہ وہ ملک میں گردوں کے امراض کی روک تھام اور مریضوں کی بہتر نگہداشت کے لیے بھرپور کردار ادا کرتے رہیں گے۔
