امریکی صدر ڈونلڈ ٹرمپ نے کینیڈا کو بورڈ آف پیس میں شامل ہونے کی دعوت واپس لے لی۔ صدر ٹرمپ کا کہنا ہے کہ بورڈ آف پیس دنیا کے با اثر ترین رہنماؤں کا فورم ہے۔
ریاض میں دو بڑے پارکس جدید سہولتوں کے ساتھ عوام کے لیے کھولے جائیں گے
ڈونلڈ ٹرمپ نے سوشل میڈیا پر جاری بیان میں کہا کہ کینیڈا کے وزیر اعظم مارک کارنی کا بورڈ میں مزید خیر مقدم نہیں کیا جائے گا، تاہم انہوں نے دعوت واپس لینے کی وجہ واضح نہیں کی۔
تازه ترین January 23, 2026
یہ بیان ایسے وقت میں سامنے آیا ہے جب وزیر اعظم مارک کارنی نے بورڈ آف پیس پر تحفظات کا اظہار کیا تھا۔ ورلڈ اکنامک فورم سے خطاب کے دوران مارک کارنی نے صدر ٹرمپ کے اس بیان کی تردید کی تھی کہ کینیڈا امریکا کی وجہ سے زندہ ہے“۔
کینیڈین وزیراعظم کا کہنا تھا کہ کینیڈا امریکا کی وجہ سے نہیں بلکہ اپنی قومی شناخت اور عوام کی بدولت ترقی کر رہا ہے۔
غیر ملکی میڈیا کے مطابق دعوت نامہ واپس لیے جانے سے ٹرمپ اور کارنی کے درمیان تعلقات مزید کشیدہ ہو گئے ہیں۔ مارک کارنی ڈنمارک سے گرین لینڈ کا کنٹرول لینے کی صدر ٹرمپ کی کوششوں کے مخالف ہیں اور نیٹو کے دیگر اتحادیوں کے ساتھ کھڑے ہیں۔
دوسری جانب کینیڈین وزیر اعظم ہاؤس کی جانب سے اس معاملے پر فوری طور پر کوئی ردعمل سامنے نہیں آیا۔
ٹرمپ نے کینیڈا کی بورڈ آف پیس میں شمولیت کی دعوت واپس لے لی
