سعودی عرب نے صومالیہ کی علاقائی سلامتی اور خودمختاری کی حمایت جاری رکھنے کے عزم کا اعادہ کیا ہے۔ سعودی وزیر خارجہ فیصل بن فرحان نے کہا کہ صومالیہ کے مفادات کے خلاف کسی بھی اقدام کو قبول نہیں کیا جائے گا۔
عرب میڈیا کے مطابق ریاض میں سعودی اور صومالی وزرائے خارجہ کی ملاقات ہوئی، جس میں خطے کی صورتحال اور صومالیہ کی قومی و داخلی سلامتی سے متعلق امور پر تفصیلی تبادلہ خیال کیا گیا۔ اس موقع پر سعودی وزیر خارجہ نے عالمی سطح پر صومالیہ کی سفارتی حمایت جاری رکھنے کا یقین دلایا۔
سعودی عرب کا صومالیہ کی خودمختاری اور سلامتی کی بھرپور حمایت کا اعلان
