ریاض میں سعودی عرب کا سب سے بڑا گرین ڈیٹا سینٹر ’ھیکساگون‘ قائم

ریاض میں سعودی ڈیٹا اینڈ آرٹیفیشل انٹیلی جنس ادارے سدایا کے ڈیٹا سینٹر ھیکساگون کا سنگ بنیاد رکھا گیا ہے۔ یہ سینٹر 30 ملین مربع فٹ پر پھیلا ہوگا اور 480 میگا واٹ کی گنجائش رکھے گا۔ منصوبہ ماحول دوست ٹیکنالوجیز اور کم توانائی والی کمپیوٹنگ پر مبنی ہے اور خطے میں سب سے بڑے گرین ڈیٹا سینٹرز میں شمار ہوگا۔ حکام کے مطابق یہ پروجیکٹ سعودی عرب کو ڈیٹا اور مصنوعی ذہانت میں عالمی سطح پر مضبوط مقام دینے میں مددگار ثابت ہوگا اور سالانہ 30 ہزار ٹن کاربن کے اخراج میں کمی لائے گا، جس سے اقتصادی فوائد بھی حاصل ہوں گے۔