امریکی ماہرین کی ایک نئی تحقیق میں انکشاف ہوا ہے کہ میلاٹونن سپلیمنٹ کا طویل استعمال دل کی ناکامی کے خطرے میں اضافہ کر سکتا ہے۔ مطالعے کے مطابق جو افراد ایک سال یا اس سے زیادہ عرصہ تک نیند کے لیے میلاٹونن استعمال کرتے ہیں، اُن میں دل کے امراض اور اسپتال میں داخلے کے امکانات نمایاں طور پر زیادہ پائے گئے۔
ماہرین کا کہنا ہے کہ میلاٹونن امریکا میں نیند کی مستقل کمی کے علاج کے لیے منظور شدہ دوا نہیں ہے، جبکہ مختلف برانڈز میں اس کی طاقت اور معیار میں فرق پایا جاتا ہے۔ انہوں نے خبردار کیا کہ اگرچہ ابھی یہ واضح نہیں کہ میلاٹونن براہِ راست دل کی خرابی کا باعث بنتی ہے یا نہیں، لیکن اس کے طویل استعمال پر احتیاط ضروری ہے۔