پشاور ہائی کورٹ نے وزیراعلیٰ خیبرپختونخوا علی امین گنڈاپور کے خلاف الیکشن کمیشن کی کارروائی عارضی طور پر روک دی۔ علی امین گنڈاپور نے کمیشن کے نوٹس کو چیلنج کیا تھا جس پر جسٹس سید ارشد علی اور جسٹس محمد فہیم ولی نے سماعت کی۔
عدالت نے سوال اٹھایا کہ الیکشن کے 90 دن بعد کارروائی کیسے ممکن ہے؟ جس پر الیکشن کمیشن کے وکیل نے مؤقف اختیار کیا کہ کرپٹ پریکٹسز پر سپریم کورٹ کا فیصلہ موجود ہے اور کارروائی وقت کی قید سے مشروط نہیں۔ عدالت نے الیکشن کمیشن کو نوٹس جاری کرتے ہوئے 14 دن میں جواب طلب کر لیا۔