معروف بھارتی نژاد میراتھون رنر فوجا سنگھ 114 سال کی عمر میں ٹریفک حادثے کے باعث وفات پا گئے۔ وہ جالندھر کے قریب اپنے آبائی گاؤں میں حادثے کا شکار ہوئے۔
فوجا سنگھ نے 100 برس کی عمر میں میراتھون مکمل کر کے دنیا بھر میں شہرت حاصل کی۔ 2011ء میں انہوں نے ٹورنٹو واٹر فرنٹ میراتھون 8 گھنٹے 11 منٹ میں مکمل کی جبکہ اگلے سال لندن میراتھون 7 گھنٹے 49 منٹ میں مکمل کی۔
دلچسپ بات یہ ہے کہ فوجا سنگھ نے دوڑنے کا آغاز 89 برس کی عمر میں لندن منتقل ہونے کے بعد کیا اور پھر 90+ عمر کے کیٹیگری میں کئی ریکارڈز اپنے نام کیے۔
ان کے پاسپورٹ پر تاریخِ پیدائش یکم اپریل 1911 درج ہے۔ فوجا سنگھ عمر، جذبے اور عزم کی زندہ مثال رہے۔