آسٹریلیا اور ویسٹ انڈیز کی حالیہ 3 ٹیسٹ میچز پر مشتمل سیریز نے کئی منفرد اور تاریخی ریکارڈز اپنے نام کیے۔
کنگسٹن میں کھیلے گئے تیسرے ٹیسٹ کی چاروں اننگز صرف 1045 گیندوں میں مکمل ہوئیں، جو 1910ء کے بعد آل آؤٹ اننگز میں سب سے کم گیندوں کا ریکارڈ ہے۔ میچ میں کوئی بلے باز ففٹی نہ بنا سکا، جو ٹیسٹ کرکٹ کی تاریخ میں 16ویں بار ہوا۔
ویسٹ انڈیز کے برینڈن کنگ نے پوری سیریز میں سب سے زیادہ 75 رنز بنائے، جو 1888ء کے بعد کسی سیریز میں سب سے کم ٹاپ اسکور ہے۔
آسٹریلیا کے اسٹار فاسٹ بولر مچل اسٹارک نے بھی کئی سنگ میل عبور کیے:
-
انہوں نے 23ویں بار ٹیسٹ کے پہلے اوور میں وکٹ حاصل کی
-
صرف 15 گیندوں پر 5 وکٹیں لے کر تیز ترین فائیو وکٹ ہال کا ریکارڈ بنایا
-
اور اپنے 100ویں ٹیسٹ میں 400 وکٹیں مکمل کیں۔
ویسٹ انڈیز کی ٹیم دوسری اننگز میں صرف 27 رنز پر ڈھیر ہو گئی، جو ٹیسٹ کی تاریخ کا دوسرا سب سے کم اسکور ہے۔