سانحہ سوات پر انکوائری رپورٹ تاخیر کا شکار، مقررہ وقت گزر گیا

سانحہ سوات کی تحقیقات کے لیے قائم کردہ تین رکنی انکوائری کمیٹی سات روزہ ڈیڈ لائن کے باوجود رپورٹ پیش نہ کر سکی۔ ذرائع کے مطابق مختلف محکموں کے 50 سے زائد اہلکاروں کے بیانات قلمبند کیے جا چکے ہیں، جن میں ریسکیو، پی ڈی ایم اے، ریلیف، آبپاشی، اور ٹی ایم اے شامل ہیں۔

کمیٹی ذرائع کا کہنا ہے کہ رپورٹ تیاری کے آخری مراحل میں ہے اور آئندہ 2 سے 3 روز میں جمع کروا دی جائے گی۔ یاد رہے کہ 27 جون کو دریائے سوات میں سیلابی ریلے میں پھنس کر 13 افراد جاں بحق ہو گئے تھے۔