پنجاب میں موسلا دھار بارش، لاہور میں نشیبی علاقے زیرِ آب

لاہور سمیت پنجاب کے کئی اضلاع میں مسلسل بارش نے معمولات زندگی متاثر کر دیے۔ لاہور میں 6 گھنٹے کی بارش سے 178 ملی میٹر پانی برس چکا ہے، نشیبی علاقوں میں پانی جمع ہونے سے گاڑیاں اور موٹر سائیکلیں بند ہو گئیں۔

اوکاڑہ، شیخوپورہ اور لاہور میں چھتیں اور دیواریں گرنے کے واقعات میں کئی افراد زخمی ہو گئے۔ بارش کے باعث لیسکو کے 142 فیڈرز متاثر ہوئے جبکہ پی ڈی ایم اے نے 13 جولائی تک مزید بارشوں کی پیشگوئی اور الرٹ جاری کر دیا ہے۔

ریسکیو 1122، واسا اور دیگر ادارے متحرک ہیں جبکہ شہریوں کو بوسیدہ عمارتوں سے دور رہنے کی ہدایت دی گئی ہے۔ وزیر اطلاعات پنجاب کے مطابق تمام انڈر پاسز کلیئر ہیں۔