لاہور کے رنگ روڈ کے قریب سڑک کنارے کھڑی ایک گاڑی سے ایک شخص کی لاش ملنے کے بعد پولیس نے واقعے کی تحقیقات شروع کر دی ہیں۔
پولیس حکام کے مطابق گاڑی سے ایک سب انسپکٹر کی وردی بھی برآمد ہوئی ہے، جس کے باعث مختلف پہلوؤں سے چھان بین کی جا رہی ہے۔ تاہم ابتدائی معلومات کے مطابق متوفی کا تعلق پولیس سے نہیں ہے۔
حکام کا کہنا ہے کہ جاں بحق ہونے والے شخص کا تعلق دھرم پورہ کے علاقے سے ہے، جبکہ واقعے کی اصل وجوہات جاننے کے لیے شواہد اکٹھے کیے جا رہے ہیں۔ پولیس نے کہا ہے کہ تحقیقات مکمل ہونے کے بعد مزید تفصیلات سامنے لائی جائیں گی۔