بالی ووڈ اداکار ورون دھون نے سپر اسٹار سلمان خان کی حالیہ سوشل میڈیا پوسٹس کے بعد ان کی تنہائی اور شہرت کے دباؤ پر گفتگو کی ہے۔ ایک انٹرویو میں ورون دھون نے کہا کہ غیر معمولی شہرت اکثر انسان کو جذباتی طور پر تنہائی اور دباؤ کا شکار بنا دیتی ہے۔
انہوں نے مزید کہا کہ وہ خود کو حقیقی انداز میں پیش کرنے پر یقین رکھتے ہیں اور مصنوعی شخصیت اپنانے سے گریز کرتے ہیں، کیونکہ ایسا رویہ ذہنی دباؤ کا باعث بن سکتا ہے۔
واضح رہے کہ سلمان خان کی حالیہ رات گئے کی گئی پوسٹس اور پراسرار کیپشنز نے مداحوں کی توجہ حاصل کی ہے، جنہیں ان کی ذاتی اور جذباتی کیفیت سے جوڑا جا رہا ہے۔