معروف ڈرامہ نگار خلیل الرحمٰن قمر نے اداکارہ و میزبان نادیہ خان کی جانب سے ان کے ڈراموں پر کی گئی تنقید پر سخت ردِعمل دیا ہے۔ ایک انٹرویو میں انہوں نے کہا کہ ان کے کام پر اختلاف رکھنے والے ہمیشہ تنقید کرتے رہیں گے، تاہم وہ اپنا کام جاری رکھیں گے۔
خلیل الرحمٰن قمر نے نادیہ خان پر تنقید کرتے ہوئے کہا کہ ایسے افراد ٹی وی پر بیٹھ کر بڑے لکھاریوں کے کام پر رائے دیتے ہیں جبکہ ان کی اپنی اہلیت محدود ہے۔ انہوں نے یہ بھی دعویٰ کیا کہ نادیہ خان کی ناراضی کی ایک وجہ یہ ہو سکتی ہے کہ انہیں کبھی ان کے کسی پروجیکٹ میں کاسٹ نہیں کیا گیا۔
ان کا مزید کہنا تھا کہ انہیں اپنے کام پر بیرونِ ملک بھی پذیرائی ملتی ہے اور بطور مصنف انہیں مختلف ممالک میں عزت دی جاتی ہے۔