خادمِ حرمین شریفین شاہ سلمان بن عبدالعزیز نے وزیر داخلہ کو عیدالاضحی اور کامیاب حج سیزن کی مبارکباد کے جواب میں پیغام ارسال کیا ہے۔ پیغام میں کہا گیا کہ تمام اداروں کی مشترکہ کوششوں سے حج کا انعقاد کامیابی سے ممکن ہوا اور لاکھوں عازمین نے اطمینان کے ساتھ مناسک ادا کیے۔
ولی عہد شہزادہ محمد بن سلمان نے بھی وزیر داخلہ کو علیحدہ پیغام میں حج سیزن کی کامیابی پر مبارکباد دی اور حجاج کی خدمت میں شامل تمام اداروں کی کاوشوں کو سراہا۔