امریکا نے کینیڈا کے ساتھ قائم مشترکہ دفاعی بورڈ میں اپنی شرکت عارضی طور پر معطل کر دی ہے، جو دوسری جنگِ عظیم کے دوران دونوں ممالک کے سیکیورٹی تعاون کے لیے قائم کیا گیا تھا۔
امریکی حکام کا کہنا ہے کہ کینیڈا دفاعی وعدوں پر مؤثر پیش رفت نہیں کر سکا، جبکہ واشنگٹن اب اس شراکت داری کے فوائد کا دوبارہ جائزہ لے گا۔
دوسری جانب کینیڈا پہلے ہی دفاعی خودمختاری بڑھانے اور امریکا پر انحصار کم کرنے کی بات کر چکا ہے، جبکہ دونوں ممالک کے تعلقات حالیہ مہینوں میں مزید تناؤ کا شکار دکھائی دے رہے ہیں۔