لاہور قلندرز نے کینسر کے مرض میں مبتلا بچے فرزان کی اپنے کپتان شاہین آفریدی سے ملاقات کی خواہش پوری کر دی۔
گوجرانوالہ کے علاقے قلعہ دیدار سنگھ سے تعلق رکھنے والے فرزان نے ایک ویڈیو پیغام میں شاہین آفریدی سے ملنے کی خواہش ظاہر کی تھی۔ ٹیم انتظامیہ نے خصوصی طور پر اس خواہش کو پورا کرتے ہوئے فرزان کو گراؤنڈ میں مدعو کیا۔
اس موقع پر فرزان کی ملاقات شاہین آفریدی اور ثمین رانا سے ہوئی، جہاں کپتان نے بچے کے نام کی دستخط شدہ ٹی شرٹ بھی تحفے میں دی۔ فرزان نے اسٹیڈیم میں بیٹھ کر لاہور قلندرز کا میچ بھی دیکھا۔
بچے کے اہل خانہ نے اس اقدام پر لاہور قلندرز کی انتظامیہ کا شکریہ ادا کیا اور ان کے لیے نیک خواہشات کا اظہار کیا۔