غزہ کی تعمیرِ نو کے حوالے سے بورڈ آف پیس کے نمائندوں اور دبئی کی کمپنی کے درمیان مذاکرات جاری ہیں، جن میں انسانی امداد اور لاجسٹکس کے امور زیرِ غور ہیں۔
رپورٹس کے مطابق ڈی پی ورلڈ کے ساتھ شراکت داری پر بھی بات ہو رہی ہے تاکہ غزہ میں امدادی سامان کی ترسیل اور سپلائی چین کو مؤثر بنایا جا سکے۔
یہ پیش رفت ڈونلڈ ٹرمپ کے مجوزہ منصوبے کے تحت سامنے آئی ہے، جس کا مقصد جنگ کے بعد غزہ میں انفراسٹرکچر کی بحالی اور انتظامی نظام کو دوبارہ فعال کرنا ہے۔
ممکنہ منصوبے کے تحت بورڈ تعمیرِ نو کے عمل کی نگرانی کرے گا اور متاثرہ علاقے میں بنیادی سہولیات کی بحالی میں کردار ادا کرے گا۔