سی ایم آفس لاہور میں صوبائی وزیر صنعت و تجارت پنجاب چوہدری شافع حسین اور صوبائی سینئر وزیر مریم اورنگزیب سے ممبر قومی اسمبلی تہمینہ دولتانہ کی خصوصی ملاقات ہوئی۔ ملاقات کے دوران وہاڑی میں جاری ترقیاتی منصوبوں اور مجوزہ میڈیکل کالج کے قیام پر تفصیلی گفتگو کی گئی۔ دونوں صوبائی وزراء نے اس بات کی یقین دہانی کروائی کہ وہاڑی میں جاری ترقیاتی کاموں کو جلد از جلد مکمل کیا جائے گا جبکہ میڈیکل کالج کے منصوبے پر بھی فوری طور پر عملی کام شروع کیا جائے گا، تاکہ علاقے کے عوام کو بہتر سہولیات فراہم کی جا سکیں۔
