بنوں میں سیکیورٹی فورسز نے خفیہ اطلاع پر کارروائی کرتے ہوئے دو دہشت گردوں کو ہلاک کر دیا، جن میں ایک اہم سہولت کار بھی شامل تھا۔
فوج کے شعبۂ تعلقات عامہ کے مطابق مقابلے کے دوران مارا جانے والا وحید اللّٰہ عرف مختیار متعدد دہشت گرد کارروائیوں میں ملوث اور انتہائی مطلوب تھا، جبکہ ایک خودکش حملہ آور بھی ہلاک ہوا۔
کارروائی کے دوران خودکش جیکٹ، اسلحہ اور گولہ بارود برآمد ہوا۔ حکام کے مطابق یہ وہی نیٹ ورک تھا جو حالیہ حملوں میں ملوث رہا اور اس آپریشن سے ایک ممکنہ بڑے واقعے کو بھی روک لیا گیا۔
علاقے میں مزید دہشت گردوں کی تلاش کے لیے کارروائیاں جاری ہیں۔